Gənc Azərbaycanlı yazıçı Şamxal Həsənov Avropa Sevgi Romanları üzrə əbədi Mükafatının on namizədindən biri seçilib
Keçən ilin aprel ayında IFA-da ‘’Səs və ya Qırmızı’’ romanının Fransada dərc olunması münasibətilə təqdimat keçirən gənc Azərbaycanlı yazıçı Şamxal Həsənov Avropa Sevgi Romanları üzrə əbədi Mükafatının on namizədindən biri seçilib.
Sevgi Romanları üzrə əbədi Avropa Mükafatı UNESCO tərəfindən elan edilən Strasburq Ümumdünya Kitab Paytaxtı ili çərçivəsində keçiriləcək 3-cü nəşri (2024-2025) üçün geri qayıdır.
Müsabiqədə Avropa Şurasının on üzv ölkəsindən on roman iştirak edəcək:
- Almaniya: "Berlinin qəhrəmanları" (Maksim LEO)
- Avstriya: "Qış bağı" (Valeri Fritsch).
- Azərbaycan: "Səs və ya qırmızı" (Şamxal Həsənov)
- İspaniya: "Qarda palmalar" (Luz GABAS)
- Fransa: "Bir- birinə söylənməmiş sözlər" (Mabrouk RACHEDI)
- İrlandiya: "Çətinliklər" (Louise Kennedy)
- İtaliya: "Sən buna layiq idin" (Barbara FRANDINO)
- Portuqaliya: "İri" (İsabel FİQUEYREDO)
- İsveçrə: "Üstün tutduğu" (Sarah JOLLIEN FARDEL)
- Ukrayna: "Avstriyalı Feliks" (Sofiya ANDRYUXOVIÇ).
Mükafat aprelin sonunda “Strasburq Ümumdünya Kitab Paytaxtı ili” nin (YUNESKO) rəsmi açılışı çərçivəsində veriləcək.
İctimai səsvermə aprelin sonundan dekabrın sonuna qədər açıq olacaq. Bu müddət ərzində mükafatın təbliği və qısa siyahıya alınmış romanların (və onların müəlliflərinin) ictimailəşdirilməsi üçün bir sıra tədbirlər təşkil olunacaq.
Qısa siyahıya alınmış kitablar artıq André Malraux multimedia kitabxanasında və Strasburq Avrometropolisindəki digər media kitabxanalarında mövcuddur.
Xoş mütaliə arzu edirik !
