“Küçə iti” filmi, cümə axşamı 4 aprel saat 19:00-da Landmark kinoteatrında.

“Bir Yıxılmağın Anatomiyası” filmindən sonra Fransa Səfirliyi və Fransız İnstitutu Jan-Batist Duranın 2024-cü ildə Sezar mükafatına layiq görülmüş “Küçə iti” filmini sizə təqdim etməkdən məmnundur.

Film 4 aprel cümə axşamı, saat 19:00-da Landmark kinoteatrında (Nizami küçəsi 90A) baş tutacaq. Film orijinal versiyada, türkcə alt yazılarla nümayiş ediləcək.

Mövcud yer sayından asılı olaraq giriş ödənişsizdir.

Filmin məzmunu : Dog və Mirales uşaqlıq dostlarıdır. Onlar Fransanın cənubundakı kiçik bir kənddə yaşayırlar və günlərinin çoxunu küçələrdə keçirirlər. Vaxtı öldürmək üçün Mirales zərurətdən daha çox Doga sataşmağa başlayır. Dogun sevgi hekayəsi yaşayacağı Elza adlı gənc qızın kəndə gəlməsi onların dostluğunu pozacaq. Qısqanclıqdan bezən Mirales böyümək və yerini tapmaq üçün keçmişini buraxmalı olacaq.