Azərbaycan Energetika Nazirliyinin yüksək vəzifəli əməkdaşı INSP-nin təşkil etdiyi təlimdə iştirak edib
Fransa Səfirliyi tərəfindən ayrılmış təqaüd sayəsində Azərbaycan Respublikası Energetika Nazirliyi yanında Bərpa Olunan Enerji Mənbələri Agentliyinin direktor müavini, Aygün Zeynalova 26-29 iyun 2023-cü il tarixlərində INSP (Milli İctimai Xidmət İnstitutu - keçmiş ENA) tərəfindən təşkil olunmuş "İqlim, enerji, ətraf mühit: Aİ-nin tənzimləyici yanaşması" adlı təlimində iştirak edib.
Beynəlxalq Frankofoniya Təşkilatının dəstəyi ilə təşkil olunan bu təlim sessiyasının məqsədi iştirakçıları Avropa İttifaqının ətraf mühit siyasətinin xüsusiyyətləri ilə tanış etmək və bu siyasətin üzv dövlətlərə və tərəfdaşlara təsirini təhlil etmək olub.