Villers-Cotterêts beynəlxalq fransız dili şəhərciyinin açılışı

2018-ci ildə Respublika Prezidentinin “Fransız dili və çoxdilçilik ambisiyasında” elan etdiyi böyük layihə olan Villers-Cotterêts Beynəlxalq Fransız Dili Şəhərciyi oktyabrın 30-da rəsmi açılış mərasimi keçiriləcək və öz qapılarını 1 noyabrdan etibarən ictimaiətə açıq elan edəcək.  

Qurumun baş qərargahı I Fransuanın keçmiş qəsrində yerləşəcək. Qeyd edək ki, Fransa kralı 1539-cu ildə fransız dilini latın dilinin əvəzinə qanun və idarəçilik üçün krallığın rəsmi dili olması haqqında fərman verib.

Beynəlxalq fransız dili Şəhərciyi öz auditoriyasında müvəqqəti sərgilərə, şoulara, konsertlərə və ya debatlara, şüşə dam və “leksik səma” altında müxtəlif tədbirlərə, eyni zamanda təlim sessiyalarına, seminarlara, maarifləndirici fəaliyyətlərə, incəsənət xadimlərinin rezidensiyalarına, tədqiqatçılara, hətta dil texnologiyaları üzrə ixtisaslaşmış şirkətlərə ev sahibliyi edəcək.

Pour plus d’information : https://www.cite-langue-francaise.fr/