Azərbaycanlı frankofon yazıçı Şamxal Həsənovun cümə günü 14 aprel saat 18.30-da fransız dilinə tərcümə olunmuş Səs və ya Qırmızı romanının təqdimatı

Frankofoniya 2023  münasibətilə Azərbaycanda Fransız İnstitutu gənc azərbaycanlı frankofon yazıçı Shamkhal Hasanov  öz məkanında qarşıladı. Onun fransız dilinə tərcümə edilmiş "Səs və ya Qırmızı" ( « Le Bruit ou le Rouge » ) romanının təqdimatı 14 aprel 2023-cü il cümə günü saat 18:30-da İFA-nın media kitabxanasında baş tutdu və kokteyllə davam etdi. 

Çağdaş nəsr prinsiplərinə uyğun olaraq şüuraxını və daxili monoloq fəndlərilə qələmə alınan və obrazların öz təhkiyəsində təqdim olunan “Səs və ya Qırmızı” romanı hisslərin dərinliklərinə və incəliklərinə vararaq Azərbaycanda bir ilkə imza atır. İflic ata başındakı səslərdən yorğun düşən metafizik mövcudluğundan can qurtarmaq üçün yatağında keçmiş “canlı” həyatından və “Qırmızı” dünyasından söz açır, güclü ironiya ilə şıltaq hafizəsini dindirir, əxlaqı, doğrunu, xoşbəxtliyi və yaddaşı sorğulayır.

Hadisələr əsasən ata, oğul və ana üçbucağında dövr edir. Ailənin təsirli hekayəsi boyunca özünü axtaran xəyalpərəst oğulun iç səslərini və ailəsini hər vəchlə qoruyan, oğlunu gerçəkliyə gətirməyə çalışan, onda atasının təkrarını görməkdən çəkinən ananın iç səslərini eşidirik. Ananın rasionallığımı qalib gəlir, yoxsa oğulun kitablara meyil edən həssaslığı? Suallara cavab axtaran oxucu obrazların dünyasına onların gözündən baxır, müxtəlif heyvanların və Vicdanın əsas hadisələrlə çarpazlaşan monoloqlarını dinləyir.

Şamxal Həsənovun kitabını fransızca Panteon nəşr evinin kitabları arasında azərbaycan dilində isə Qanun nəşriyyatından tapa bilərsiniz.